Ver a un can ou a un gato regordechiño pode parecer simpático, pero detrás dese aspecto agóchase un dos problemas de saúde máis frecuentes e subestimados en animais de compañía. E é que a obesidade en mascotas non é só unha cuestión estética: reduce e acurta tanto a calidade como a esperanza de vida, ademais de complicar enormemente calquera tratamento veterinario. En O Papafigos, a túa clínica veterinaria en Ames, vémolo con máis frecuencia da que nos gustaría, así que non nos cansamos de dar razóns coma estas á hora de previr a obesidade en mascotas.
1. O exceso de peso deteriora articulacións, corazón e fígado
Un animal con sobrepeso somete as súas articulacións a unha carga para a que non están preparadas, favorecendo o desenvolvemento de artrose e problemas de mobilidade que empeoran cos anos. Pero o dano non se limita ao aparello locomotor: o corazón traballa cun maior esforzo, aumenta o risco de diabetes e o fígado pode verse afectado pola acumulación de graxa. Todo iso ocorre de forma silenciosa, sen síntomas evidentes ata que o problema xa está avanzado.
2. A obesidade complica calquera intervención veterinaria
Un animal obeso presenta riscos anestésicos significativamente máis altos ca un cun peso saudable. E é que a graxa dificulta aos nosos veterinarios de Ames a administración de anestesia, ademais de alongar os tempos de recuperación e aumentar a posibilidade de complicacións durante e despois dunha cirurxía. Por outro lado, moitos fármacos dosifícanse en función do peso corporal ideal, non do real, obrigando a xestionar axustes complexos que poderían evitarse se o animal estivese no seu peso.
3. Previr é moito máis fácil que corrixir a obesidade da túa mascota
Baixar de peso a unha mascota require tempo, constancia e supervisión veterinaria. Non é cuestión de simplemente reducir a cantidade de comida: hai que valorar a dieta, o tipo de alimento, o nivel de actividade e o estado de saúde xeral do animal. Ten en conta que un plan de control de peso ben levado pode tardar meses en dar resultados, así que desde a nosa clínica veterinaria de Ames sempre recomendamos actuar antes de que o problema apareza e eses quilos de máis se queden instalados onde non deberían.
Confía no noso servizo de dietética animal en Ames
A boa noticia é que, cunha revisión periódica e un seguimento nutricional adecuado, a obesidade en mascotas é perfectamente prevenible. En O Papafigos, de feito, avaliamos o estado corporal da túa mascota e brindámosche o mellor asesoramento en alimentación e nutrición na nosa clínica veterinaria de Ames. ¡Podes pedir unha cita contactando connosco desde aquí!